Қорғаныстық-өнеркәсіптік кешенді дамыту қоры
Қор туралы
Қор қорғаныс саласындағы кәсіпорындарды жаңғыртуды, ғылыми-зерттеу және тәжірибелік-конструкторлық жұмыстарды, жаңа өндірістерді, сондай-ақ қорғаныс саласын, ұлттық қауіпсіздікті және инвестицияны дамытуды қаржыландыру үшін құрылды.
2020 жылғы 17 шілдеде Қазақстан Республикасының Президенті Үкіметтің Қорғаныс-өнеркәсіп кешенін дамыту қорын құру туралы ұсынысын қарады.
2022 жылғы 10 наурызда Қазақстан Республикасының Президенті Қазақстан Республикасының Үкіметіне мыналарды тапсырды:
- Қазақстан Республикасының қорғаныс-өнеркәсіптік кешенін қолдау және дамыту жөніндегі іс-шаралар бағытын қамтамасыз ету;
- қару-жарақ, әскери техника, оқ-дәрiлер шығарумен айналысатын кәсiпорындарға екiншi деңгейдегi банктер мен қаржы институттарының несиелер беру мүмкiндiгiн зерделеу мақсатында Қаржы нарығын реттеу және дамыту агенттiгiмен бiрлесiп жұмыс жүргiзсiн.
2023 жылғы 15 желтоқсанда Қазақстан Республикасы Үкіметінің қаулысымен 100% мемлекеттің қатысуымен «Қорғаныс-өнеркәсіп кешенін дамыту қоры» АҚ құрылды.
Қордың мақсаттары мен міндеттері
Тұрақты және әртараптандырылған қаржыландырусыз қорғаныс өнеркәсібі кәсіпорындарының тиімді дамуы мүмкін емес. Техникалық жаңғырту, өндірістік қуаттарды кеңейту, жаңа технологияларды игеру, бәсекеге қабілетті өнім шығару қажеттілігін ескере отырып, инвестициялық ресурстар ерекше маңызды рөл атқарады. Бүгінгі таңда ең танымал қаржыландыру құралдары өндірістік қуаттарды жаңарту мен дамытудың икемді және қолжетімді тетіктерін қамтамасыз ететін мақсатты несиелер мен қаржылық лизинг болып табылады.
Ұлттық ғылым мен техниканың дамуы елдің технологиялық егемендігін, экономикалық тәуелсіздігін, қорғаныс қабілетін қамтамасыз етудің негізгі факторы болып табылады. Геосаяси сын-қатерлер, сыртқы санкциялар, жеделдетілген ғылыми-техникалық бәсекелестік жағдайында отандық ғылыми-техникалық әзірлемелерді жүйелі қолдау және өнеркәсіп пен нақты экономикада зияткерлік меншікті тиімді енгізу ерекше маңызды болып табылады.
Заманауи сын-қатерлер мен жылдам технологиялық жетістіктер Қазақстанның қорғаныс өнеркәсібінен жүйелі жаңғыртуды және тұрақты инвестицияларды талап етеді. Қару-жарақтың жауынгерлік қабілеттілігін арттыру, технологиялық егемендікті дамыту, жасанды интеллекттің, робототехниканың, жаңа материалдардың және басқа да маңызды технологиялардың перспективалы бағыттарын игеру ауқымды күрделі салымдарсыз және өндірістік базаны жаңартпай мүмкін емес.
